HEIDEGGERUS John. Henricus

HEIDEGGERUS John. Henricus

Theologus Tigurinus exercitatissimus. Nat. Berotisvillae in agro Tigurino A. C. 1633. patre Pastore, tritavis Reformatoribus, ex avia, Zuinglii Bullingeriqueve nepte, in Patria Schola futurae πόλυμαθείας fundamenta iecit, sub Rudolpho Stuckio, Ioh. Wirtzio, et Ioh. Henr. Hottingero, illis Theologiae, hoc Lingg. tum Orientalium, Professorbius celeberrimis. Marpurgi dein Chattorum audiit Ioh. Crocium: inde Heidelbergam delatus, Linguam ibi Hebraeam publice extra ordinem professus est, A. C. 1658. Philosophiam dein ibidem docuit, A. C. 1659. Steinfurtum postea, a Comitibus Benthemiis vocatus, ibi Theologum egit, prius a celeberr. Hotringero S. Theol. Doctor renuntiatus. Sed flagrante inter Belgas Confoed. et Ep. Monasteriensem bello, dum, urbe occupatâ, Schola dissipatur, missione sibi factâ, in patriam rediit, A. C. 1665. ubi sequente Anno Ethicae Christianae Professionem sibi mandatam, obiit: Hottingero post haec A. C. 1670. in Prof. Theologica suffectus, tantam eruditionis multiiugae, sacrae inprimis, Famam undiquaque sparsit, ut paulo post, Lugdunum Bat. ad Theologicam Cathedram honorifice vocaretur, verum missione a Patriae Patribus negatâ, in statione summo cum fructu Stud. Iuventutis, totiusqueve in Patria rei sacrae, hucusque perstat. Eius prodiêrunt: Libertas Christiana a lege Cibaria V. T. De Paschate Emortuali Christi: De Aug. Conf. cum fide Reformatorum consensu: De Fide decretorum Concilii Tridentini: Historia Patriarcharum tom. 2. De Peregrinationibus religiosis: Anatome Concili Tridentini Historico-Theologica: Dissertationum Selectarum Τριακὰς: etc. Inde desudavit in scribendis Ethicae Christianae libris 5. aliisqueve quam plurimis excelsi ingenii sui monumentis.

Dum micat hoc lumen, ienebras colit impius error,

Sed dolet, in tenebris non latuisse suis.